قصيدة للشاعر العراقي عباس جيجان

التأقلم

تأقلم كالي البطران واتوكل على الله وصفي النية
عيش لذاتك وية الناس وانسى همومك اشوية
مهي الدنيا صارت هيج كلمن منزويلة وخاتل بفية
ولا تذكر فراتك يوم ولا دجلة وشواطية
بدلهن بنهر راين المعروف وفروعة ومجارية
وخلنة من الوطن هساع وقصورة ومحارية
بدلة .. بدلة بوطن نيدرلاند وشوساله ومصارية
وخلنة من الطفولة وعمرك التعبان وسنينة ومحاجية
هي الناس نفس الناس بس تختلف باللهجات ونية
اذا رايد صديق اهنا بدل روب بعطية
واذا رايد تشم نسمة عليله من هوة بغداد
هوانا بأنيدهوفن ينعش الرية
واذا حنيت واذا رايد كهكة وعشرة دفو نسوان بدل ماركريت بجهرة بهية
واذا حنيت لاغاني داخل حسن والمنكوب ورياض احمد يغني محمداوي بطور الابوذية
انا الياويل ياويلاه والهوسات ومحاضن الجوبية
داسمع مايكل شيكول من اوتار صوتا اطك تراجية
واذا يردح على المسرح اظن يمرد جلاوية
عليمن تنقهر عالفات مهية الدنيا مكضية
وعليمن للصبح سهران كاعد بس تعد نجوم تحسب بس زحل وثرية
وطنة الي بنينا بدمع وضلوع صفة بطن الحرامية
وعليمن عينك اربية كطعنا الياس من عدهم بعد لاروحة ولاجية
ااتأقلم وانا الممنون ياخايب غصبا علية
اتأقلم واجيك من الصبح بشورت حافي بطرك رجلية
واذب عكالي ذاك الزين واحط براسي طاكية
واروح الديسكو كل يوم واركصلك ركص مذبوح واكولك شوفني اشبية
اتأقلم واصيحن حيل تحيا الديمقراطية

الشاعر العراقي عباس جيجان

مشكور اخي موسى للنقل المميز

شكراًعلى المرور اخي محمود ولاكن نود مشاركات قيمة

» عبدالله بن عباس